:
المقادير
مثل ماأنتم شايفين بالصوره المقاديرالمستخدمه
وراح اذكر الكميات لكم وياليت يكون المقياس ملاعق معياريه
المقادير :
4 ملاعق كبيره دقيق
4 ملاعق كبيره سكر باودر
3 ملاعق كبيره بودرة كاكاو
1 ملعقه صغيره باكينغ باودر
3 ملاعق كبيره شوكلا نوتيلا ( بحرارة الغرفه )
3 ملاعق كبيره حليب سائل
3 ملاعق كبيره زيت نباتي
1 بيضه كبيره
نحتاج للزينه :
كريمة خفق
شوكلا سائله (هيرشي)
الملعقه الكبيره المستخدمه مقاس 15 مل
والصغيره مقاس 5 مل
طبعاً لو تلاحظون استخدمت دقيق كويتي لانه خفيف
وراح يساعد انه يرتفع اكثر بالمايكرويف
الطررررريقه :
نضع البيضه والحليب والزيت وشوكلا النوتيلا بوعاء
نخفقهم مع بعض حتى تمتزج شوكلا النوتيلا مع السوائل
نضع الان الدقيق والسكر والكاكاو الباودر والباكينغ باودر دفعه واحده
نخلطهم مع بعض جتى يتجانس الخليط
(الحلو في الخليط انه ممكن تتركينه بالثلاجه الي وقت ماتحتاجينه
ممكن يكمل يوم كامل يعني لو خلطتي الخليط وماتبين تستخدمينه كله
حطي الباقي من الخليط بالثلاجه بعد ماتغلفينه كويس
ووقت ماتحتاجينه طلعيه من الثلاجه وحركيه وصبي منه بالاكواب
ودخليه المايكرويف حتى لومن يوم ثاني
او لو حابه تخلطين الخليط قبل مايجيك ضيوف بوقت
علشان ماتستخدمينه الا بعد مايجون ضيوفك لتقديمه حار)
الان نحضر اكواب الكوفي الصغيره وتكون قابله للاستخدام بالمايكرويف
أو اي نوع من الاوعيه والاطباق صغيرة الحجم
ويصب مقدار بسيط من الخليط فيه لانه راح يتضاعف المقدار
مثل ما انتم شايفين المقدار اللي وضعته في نصف الكوب فقط
وعلى فكره الاكواب هذي صغيره ميني
وراح يرتفع في داخل المايكررويف
نضع في كل مره داخل المايكرويف اربعة اكواب فقط
نضبط المايكرويف على دقيقه فقط لكل اربعة اكواب
ثم اكرر العمليه حتى ينتهي المقدار
وبعد خروجه من المايكرويف بيكون بالشكل هذا
اكواب الكيك بعد ماتطلع من المايكرويف ممكن تقدمينه وهي حارررره
راح تكون الذ
وبما ان الشوكلاته مركزه فيها محتاجين شي يخفف مررراة الشوكلاه
وأفضل شي الويبنغ كريم
ناخذ مقدار كوب ونخفقه حتى يثقل ونضع مقدار ملعقه منه
عند التقديم على كل كوب
ويزيين بخطوط شوكلاه هرشي السائله
وممكن نستبدل الهرشي ببودرة الشوكولاته
وهذا شكله من الداخل
وبالعافيه على الجميع ..
منقول ^×^
الثلاثاء مارس 24, 2015 5:44 am من طرف 
موضوع: كب كيك الشوكولاته .. 
